HAURREN ISTRIPUAK

Eskola-umeen osasunari kalte egiten dioten alderdi nagusietakoak dira istripuak; hala ere, gauza asko egin ditzakegu horietako gehienak ez gertatzeko. Horretarako, eguneroko bizimoduan arriskugarriak diren egoerak detektatu eta prebentzio-jarrerak bultzatu behar ditugu haur eta gaztetxoen artean.
Ikasleei emango zaizkien fitxetan haurtzaroan istripua izateko arriskua duten egoerak eta maiz gaizki egiten diren gauzak ageriko dira. Jarduera gelan egingo da, tutorearekin.Ikasleek honako lanak egingo dituzte:- Eskura dituzten fitxak bikoteka ordenatu.- Arrisku-egoerak dituztenak identifikatu.- Horietako bakoitzean dauden okerrak bilatu eta adierazi.- Eszena zuzenak dituzten fitxak margotu.Ikastaroan parte hartzen duen ikasmaila bakoitzari material didaktiko desberdina emango zaio, bere adinari eta bizimoduari egokitua.Familientzako informazioa: Ikasleei informazio-orria emango zaie beren familientzat.
Irakasleentzako inkesta.
Helburuak
- Arrisku egoerak identifikatzea.- Haurren istripurik ez gertatzeko prebentzio ohiturak zein diren jakitea eta baliatzea.
Gaia
Osasunerako hezkuntza
Hartzaileak
Haur Hezkuntza (3. maila) eta Lehen Hezkuntza (1., 2., 3., 4. eta 5. maila).

Gaur egun, lehen ez bezala, oso eskura dugu janaria munduko zati honetan. Ugaritasun honek obesitatea bihurtu du elikaduraren arazo nagusia mundu garatuan. Gure betiko janariak ordezkatzen ari diren jakiak (industrialak, sasoiz kanpokoak…, etab.) eta orduz kanpo jandakoak, arteriosklerosia eta kardiopatia iskemikoa errazte dituzte, jadanik haurtzaroan hasita. Pubertaro eta nerabetasunera heltzean, ume batzuk (oro har gero eta lodiagoak direnak) modan dagoen gorpuzkera ezin hobea edukitzeko beharrean aurkituko dira, ez dira gustura sentituko bere itxurarekin, eta beste elikadura-eragozpen batzuk pairatzeko arriskuan egongo dira.

Horregatik, gure eskolan hitzaldiak egingo dira gosariaren garrantziaren inguruan. Hitzaldi hauek, 4.A eta 4.B mailakoentzat izango da.